Moving Forward Together

KBZMS General Insurance နှင့် KBZ Bank တို့၏ အကျိုးတူပူးပေါင်းဆောင်ရွက်မှုအောက်တွင် Financial Year 2025–2026 (Year-3) အတွင်း ရရှိခဲ့သော အောင်မြင်မှုများကို ဂုဏ်ပြုအသိအမှတ်ပြုသည့် Appreciation Event & Awarding Ceremony ကို အောင်မြင်စွာ ကျင်းပပြုလုပ်ခဲ့ပါသည်။ ယခုအခမ်းအနားသည် FY 2025–2026 (Year-3) အတွင်း ထူးချွန်စွာ စွမ်းဆောင်ခဲ့ကြသော Branch များ၊ Business Unit များနှင့် တာဝန်ရှိသူများ၏ ကြိုးပမ်းအားထုတ်မှု၊ ပူးပေါင်းဆောင်ရွက်မှုနှင့် အောင်မြင်မှုများကို အသိအမှတ်ပြု ဂုဏ်ပြုသည့် အထူးအခမ်းအနားတစ်ရပ် ဖြစ်ပါသည်။ အောင်မြင်မှုတိုင်း၏ နောက်ကွယ်တွင် အားစိုက်ကြိုးပမ်းခဲ့ကြသည့် လုပ်ဖော်ကိုင်ဖက်များအားလုံးကို အထူးကျေးဇူးတင်ရှိပါသည်။ ရှေ့ဆက်၍လည်း KBZMS General Insurance နှင့် KBZ Bank တို့သည် Customer များအတွက် ပိုမိုကောင်းမွန်သော ဘဏ်လုပ်ငန်းနှင့် အာမခံဝန်ဆောင်မှုများကို ပူးပေါင်းဖန်တီးပေးရင်း အောင်မြင်မှုအသစ်များကို အတူတကွ ရေးဆွဲသွားမည်ဖြစ်ပါသည်။

Celebrate Thingyan in Pattaya with KBZMS Campaign ၏ ကံထူးရှင်များသည် ဧပြီလ (၁၄) ရက်နေ့မှ (၁၆) ရက်နေ့အထိ သင်္ကြန်အားလပ်ရက်များကို ထိုင်းနိုင်ငံတွင် ပျော်ရွှင်စွာ ဖြတ်သန်းခဲ့ပါသည်။ Campaign အထမြောက်အောင် ပူးပေါင်းပါဝင်ပေးသော Figo Travels and Tours နှင့် သက်ဆိုင်ရာ လူကြီးမင်းများကိုလည်း ကျေးဇူးအထူးတင်ရှိကြောင်း ပြောကြားအပ်ပါသည်။

၂၀၂၆ ခုနှစ်၊ ဧပြီလ (၄)ရက်နေ့ နှင့် ဧပြီလ (၅)ရက်‌နေ့တွင် KBZMS Management Team အဖွဲ့ ဝင်များမှ နေ့စဉ်လုပ်ငန်းဆောင်တာကိစ္စရပ်များမှ ခဏအနားယူကာ ငွေဆောင်ကမ်းခြေတွင် ပြုလုပ်သည့် Management Offsite Meetingတွင် အဖွဲ့တစ်ခုအဖြစ် စုစည်းခဲ့ကြပါသည်။ CEO မှ ၅နှစ်အတွင်းရည်မှန်းချက်များကိုမျှဝေခဲ့ပြီး ရှေ့ဆက်မည့်လုပ်ငန်းဆောင်တာများအတွက် တိကျသောဦးတည်ချက်နှင့် တူညီသောရည်ရွယ်ချက်တို့ကို အတူတကွပူးပေါင်းဆောင်ရွက်မှုများမှတစ်ဆင့် သတ်မှတ်ခဲ့ကြပါသည်။ ဤ offsite သည် strategy တစ်ခုမဟုတ်ဘဲ တစ်ဦးနှင့်တစ်ဦးနားလည်မှုကို တည်ဆောက်ခဲ့ကြခြင်းဖြစ်ပါသည်။ Brainstorming ဆွေးနွေးမှုများ၊ အပြန်အလှန်ဆက်သွယ်မှုများနှင့် team challenges များမှတဆင့် တစ်ဦးနှင့်တစ်ဦးအဖွဲ့လိုက်ပူးပေါင်းဆောင်ရွက်ရာတွင် အမှန်တကယ် လုပ်ဆောင်နိုင်ရန် လိုအပ်သည်မှာ မည်သည့်အရာဖြစ်သည်ကို လေးနက်စွာသင်ယူခဲ့ကြရပါသည်။ နှစ်ရက်တာကာလအတွင်းတွင် ရယ်မောပျော်ရွှင်ဖွယ်ရာအခိုက်အတန့်များနှင့်အတူ စိန်ခေါ်မှုအခက်အခဲများကိုလည်းကြုံခဲ့ရပြီး ထိုအခိုက်အတန့်များကပင် အရေးကြီးသည့် ပြောင်းလဲမှုများကို ရရှိခဲ့ပါသည်။ ရာထူးနှင့်အဆင့်အတန်းများကိုကျော်လွန်ကာ တူညီသောရည်ရွယ်ချက်ရှိကြသူများအဖြစ် ပူးပေါင်းဆောင်ရွက်မှုများလုပ်ခြင်းအားဖြင့် ကုမ္ပဏီ၏တိုးတက်မှုအတွက်သာမက မိမိတို့၏ကိုယ်ပိုင် အသက်မွေးဝမ်းကျောင်းလုပ်ငန်းနှင့်ဘဝများတွင်ပါ တိုးတက်ရန်အထောက်အကူပြုကြောင်းကိုလည်း သိရှိခဲ့ရပါသည်။ နှစ်ရက်တာအတွင်းလုပ်ဆောင်ချက်များမှတစ်ဆင့် ပူးပေါင်းဆောင်ရွက်မှု၊ ယုံကြည်ချက်ရှိမှုတို့ကို ပိုမိုတိုးတက်လာအောင် ပံ့ပိုးကူညီပေးသည့် Training Partner, Coaching Firm ကိုလည်းကျေးဇူးအထူးတင်ရှိပါသည်။ ယခုကဲ့သို့လုပ်ဆောင်ချက်များသည် ကောင်းမွန်သောပြောင်းလဲခြင်းများအတွက် စတင်သည့်အရွေ့တစ်ခုပင်ဖြစ်ပါသည်။