Champions Beyond Limits

အန္တရာယ်ကင်း၊ လုံခြုံစိတ်ချရခြင်းနှင့်အတူ စိတ်ချမ်းမြေ့စရာခရီးစဉ်တစ်ခုဖြစ်စေဖို့အတွက် “MY WAY” နှင့် KBZMS တို့လက်တွဲလိုက်ပါသည်။ “MY WAY” တွင် Ticketing Service, Trip Planning Service, Visa Applying Service, Hotel Reservation Service စသည့် All in one package အပြည့်အစုံအပြင် ဘေးကင်းလုံခြုံသောခရီးစဉ်တိုင်းအတွက် KBZMS ခရီးသွားအာမခံကိုပါ ထည့်သွင်းလိုက်ပြီဖြစ်ပါသည်။

၂၀၂၅ခုနှစ်၊ ဒီဇင်ဘာလ (၁)ရက်နေ့တွင် KBZMS General Insurance နှင့် InterRisk Asia (Thailand) တို့ပူးပေါင်းကာ “Earthquake Risk Management & Business Continuity in Myanmar Seminar” အား Chatrium ဟိုတယ်၌ ကျင်းပ ပြုလုပ်ခဲ့ပါသည်။ ယခုပွဲပြုလုပ်ရခြင်း၏ရည်ရွယ်ချက်မှာ အစိုးရအဖွဲ့အစည်းများ၊ ပုဂ္ဂလိကကဏ္ဍမှတာဝန်ရှိသူများ၊ လူမှုရေးအဖွဲ့အစည်းများနှင့် နိုင်ငံတကာကျွမ်းကျင်ပညာရှင်များ ပူးပေါင်းကာ မြန်မာနိုင်ငံ၏ ဘေးအန္တရာယ်ဖြစ်ပွားနိုင်ချေများအတွက် တိကျသော ပြင်ဆင်မှုများကို ပြုလုပ်နိုင်ရန်အတွက်ဖြစ်ပါသည်။ မနက်ပိုင်းတွင် နိုင်ငံတကာနှင့် ပြည်တွင်းစီးပွားရေးအဖွဲ့အစည်းများ ပါဝင်ခဲ့ပြီး နေ့လယ်ပိုင်းတွင် ဂျပန်နိုင်ငံစီးပွားရေးအဖွဲ့ဝင်များက ငလျင်အန္တရာယ်စီမံခန့်ခွဲမှုဆိုင်ရာ မြန်မာ–ဂျပန် ပူးပေါင်း ဆောင်ရွက်မှုများအကြောင်းကို ဆွေးနွေးခဲ့ကြသည်။ ဘဏ္ဍာရေးနှင့် အခွန်ဝန်ကြီးဌာန၊ ဘဏ္ဍာရေးကြီးကြပ်စစ်ဆေးရေး ဦးစီးဌာနမှ ဒုတိယညွှန်ကြားရေးမှူးချုပ် ဦးသန့်ဇင်မှ သဘာဝဘေးအန္တရာယ်အတွက် နိုင်ငံတော်အဆင့် ပြင်ဆင်ထားရန် လိုအပ်ကြောင်း တိုက်တွန်းပြောကြားခဲ့ပြီး “ Collaborating for Continuity: Lessons from the Mandalay Earthquake” ခေါင်းစဉ်ဖြင့် ActionAid International ၏ Country Director၊ FIN Myanmar ဥက္ကဋ္ဌ၊ Myanmar-Bangladesh Chamber of Commerce ၏ ဒုတိယဥက္ကဋ္ဌဖြစ်သူ မစ္စတာ Shihab Uddin Ahamad မှဦးဆောင်ဆွေးနွေးခဲ့ပြီး KBZMS ၏ CEOဦးလူမွန်အောင်၊ STATEMENT Architecture + Design ၏ တည်ထောင်သူ Myanmar Green Building Society ၏ ဥက္ကဋ္ဌဖြစ်သူ ဒေါ်ချောကလျာနှင့် ActionAid International ၏ Partnership and Program ၏ ဦးဆောင်သူ Mr.Lafir Mohammad တို့က ဆွေးနွေးမှုများပြုလုပ်ကြခဲ့ပါသည်။ KBZMS ၏အောင်မြင်စွာကျင်းပပြီးစီးခဲ့သော ယနေ့ဆွေးနွေးပွဲ၏ ပုံရိပ်များအား မှတ်တမ်းအနေဖြင့် ပြန်လည်မျှဝေပေးလိုက်ရပါသည်။

KBZMS ၏ မန္တလေးရှိ မင်္ဂလာမန္တလေးရုံးခွဲအား ၂၀၂၆ ခုနှစ်၊ ဇွန်လ (၄) ရက်နေ့တွင် အောင်မြင်စွာ ပြန်လည်ဖွင့်လှစ်နိုင်ခဲ့ပါသည်။ ရုံးခွဲပြန်လည်ဖွင့်လှစ်ခြင်း အခမ်းအနားသို့ ဘဏ္ဍာရေးနှင့် အခွန်ဝန်ကြီးဌာန၏ ဒုတိယဝန်ကြီး (ငြိမ်း)၊ မြန်မာနိုင်ငံအာမခံအသင်း ဥက္ကဋ္ဌ ဝဏ္ဏကျော်ထင် ဒေါက်တာမောင်မောင်သိမ်း၊ မန္တလေးတိုင်းဒေသကြီး၊ ငွေရေးကြေးရေး ကြီးကြပ်စစ်ဆေးရေးဦးစီးဌာန၊ တိုင်းဦးစီးမှူးဒေါ်မြတ်မူ၊ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (MRCCI) ၏ ဥက္ကဋ္ဌ ဦးတင်လတ်၊ KBZMS CEO ဦးစိုင်းလူမွန်အောင်တို့မှ တက်ရောက်ချီးမြှင့်ပေးကာ ဖဲကြိုးဖြတ်ဖွင့်လှစ်ပေးခဲ့ကြသည့်အတွက် KBZMS မှ အထူးကျေးဇူးတင်ရှိပါသည်။ ထို့အပြင် ယနေ့အခမ်းအနားသို့ တက်ရောက်ချီးမြှင့်ပေးကြသည့် ကိုယ်စားလှယ်တော်ကြီးများ၊ Customer ကြီးများနှင့် မိတ်ဖက်အဖွဲ့အစည်း ဘဏ်များမှ တာဝန်ရှိသူများအားလုံးကိုလည်း KBZMS မှ လေးနက်စွာ ကျေးဇူးတင်ရှိပါသည်။ ယနေ့ကဲ့သို့ မန္တလေးရုံးခွဲအား ပြန်လည်ဖွင့်လှစ်နိုင်ခြင်း၏ နောက်ကွယ်တွင် KBZMS မန္တလေးရုံးခွဲအနေဖြင့် ၂၀၂၅ ခုနှစ် မတ်လ (၂၈) ရက်နေ့တွင် မမျှော်လင့်ဘဲ ဖြစ်ပွားခဲ့သည့် ငလျင်ဘေးအန္တရာယ်ကြောင့် ထိခိုက်ပျက်စီးဆုံးရှုံးမှုများနှင့် စိန်ခေါ်မှုများစွာကို ရင်ဆိုင်ခဲ့ရပါသည်။ ဝန်ထမ်းများအနေဖြင့်လည်း သဘာဝဘေးအန္တရာယ်၏ ရိုက်ခတ်မှုများကို မိမိတို့၏ ကိုယ်ပိုင်ဘဝများနှင့် လုပ်ငန်းခွင်အတွင်း တစ်ပြိုင်နက်တည်း ကြုံတွေ့ခဲ့ရပါသည်။ သို့ရာတွင် ထိုအခြေအနေများကြားမှပင် မိမိတို့အပေါ် ယုံကြည်စွာ အာမခံထားသည့် Customer များအတွက် အာမခံလျော်ကြေးဝန်ဆောင်မှုများကို ဆက်လက်ပေးအပ်နိုင်ရန် ဝန်ထမ်းများသည် ယာယီစီစဉ်ထားသော ရုံးမှ လုပ်ငန်းဆောင်ရွက်မှုများကို အဆက်မပြတ် ဆောင်ရွက်ခဲ့ကြပြီး နေ့ရောညပါ အားကြိုးမာန်တက် ကြိုးပမ်းခဲ့ကြပါသည်။ ဝန်ထမ်းများ၏ စိတ်ဓာတ်ကြံ့ခိုင်မှု၊ ပူးပေါင်းဆောင်ရွက်မှုနှင့် Customer များအပေါ်ထားရှိသည့် ကတိကဝတ်တို့ကြောင့် ယနေ့တွင် KBZMS မန္တလေးရုံးခွဲအား ပြန်လည်ဖွင့်လှစ်နိုင်ခဲ့ခြင်း ဖြစ်ပါသည်။ KBZMS မန္တလေးရုံးခွဲ ပြန်လည်ဖွင့်လှစ်ခြင်း အထိမ်းအမှတ် ပုံရိပ်များကိုလည်း မျှဝေပေးလိုက်ရပါသည်။