Appreciation Event & Awarding Ceremony

၂၀၂၆ ခုနှစ် ဇွန်လ (၅) ရက်နေ့၊ မန္တလေးမြို့ရှိ Golden Duck Restaurantတွင် မန္တလေးအခြေစိုက် Express အဝေးပြေးယာဉ်လုပ်ငန်းရှင်များနှင့် လှည့်လည်ခရီးသွားလုပ်ငန်းရှင်များအတွက် စီစဉ်ကျင်းပသည့် နှစ်ပတ်လည် ဆုပေးပွဲနှင့် ဂုဏ်ပြုညစာစားပွဲကို အောင်မြင်စွာ ကျင်းပပြုလုပ်ခဲ့ပါသည်။ အခမ်းအနားတွင် KBZMS CEO ဦးစိုင်းလူမွန်အောင်မှ KBZMS နှင့် ယုံကြည်စွာ လက်တွဲပူးပေါင်းဆောင်ရွက်ပေးခဲ့ကြသည့် မိတ်ဖက်များအား ကျေးဇူးတင်စကား ပြောကြားခဲ့ပြီး၊ ရှေ့ဆက်၍လည်း ပိုမိုကောင်းမွန်သော ပူးပေါင်းဆောင်ရွက်မှုများဖြင့် အတူတကွ တိုးတက်အောင်မြင်မှုများ ဖန်တီးသွားမည်ဖြစ်ကြောင်း အဖွင့်အမှာစကား ပြောကြားခဲ့ပါသည်။ ထို့နောက် ဖျော်ဖြေရေးအစီအစဉ်များနှင့်အတူ လုပ်ငန်းရှင်ကြီးများအား အသိအမှတ်ပြုဂုဏ်ပြုခြင်း၊ ‌တစ်ခြားသော ပျော်ရွှင်ဖွယ်ရာ Activities များစွာဖြင့် နှစ်ပတ်လည် ဆုပေးပွဲနှင့် ဂုဏ်ပြုညစာစားပွဲကိုအောင်မြင်စွာကျင်းပပြုလုပ်ခဲ့ပါသည်။ KBZMS အနေဖြင့် ရှေ့ဆက်၍ မိတ်ဖက်များနှင့်အတူ အပြန်အလှန်ယုံကြည်မှုနှင့် ပူးပေါင်းဆောင်ရွက်မှုများကိုအခြေခံကာ နောင်နှစ်များစွာတိုင်အောင်မြင်မှုများကိုအတူတည်ဆောက်သွားကြပါမည်။ အောင်မြင်စွာ ကျင်းပပြီးစီးခဲ့သော အခမ်းအနား၏ အမှတ်တရပုံရိပ်များကိုလည်း ပြန်လည်မျှဝေပေးလိုက်ရပါသည်။

KBZMS မှ “KBZMS Commitment Month” ကိုဂုဏ်ပြုခြင်းအားဖြင့် GROWTH Strategy တွင်ချမှတ်ထားသော ရည်ရွယ်ချက်များထဲမှ တစ်ခုဖြစ်သည့် ဝန်ထမ်းများအားလုံး ပူးပေါင်းဆောင်ရွက်နိုင်ခြင်းကို အကောင်အထည်ဖော်ရန်အတွက် ဖူဆယ်ပြိုင်ပွဲအား အောက်တိုဘာလ (၂၅) ရက်နေ့တွင်ကျင်းပပြုလုပ်ခဲ့ပါသည်။ ဤကဲ့သို့ပြုလုပ်ခြင်းသည် လုပ်ဖော်ကိုင်ဖက်တစ်ဦးနှင့်တစ်ဦး ခင်မင်ရင်းနှီးပျော်ရွှင်ခြင်း၊ ပူပေါင်းဆောင်ရွက်ခြင်းအနှစ်သာရတို့ကိုရရှိစေရန်အတွက်ရည်ရွယ်၍ ပြုလုပ်ခြင်းဖြစ်ပါသည်။

KBZMS General Insurance သည် ၂၀၂၆ ခုနှစ်တွင် Insurance Asia မှ ပေးအပ်သည့် အောက်ပါဆုနှစ်ဆုကို ရရှိခဲ့သည့်အတွက် အထူးဂုဏ်ယူဝမ်းမြောက်မိပါသည်။ Domestic General Insurer of the Year, Myanmar ESG Initiative of the Year, Myanmar Domestic General Insurer of the Year ဆုကို (၇) ကြိမ်မြောက် ဆက်တိုက်ရရှိခြင်းသည် KBZMS အတွက် အလွန်ဂုဏ်ယူဖွယ်ရာ မှတ်တိုင်တစ်ခုဖြစ်ပြီး Customer များ၏ ယုံကြည်မှု၊ ဝန်ထမ်းများ၏ ကြိုးပမ်းအားထုတ်မှုနှင့် KBZMS ၏ “မေတ္တာ၊ သတ္တိ၊ ဝီရိယ” တန်ဖိုးများအပေါ် အခြေခံ၍ ပေးအပ်လျက်ရှိသော အာမခံဝန်ဆောင်မှုများ၏ အသိအမှတ်ပြုမှုတစ်ရပ်လည်း ဖြစ်ပါသည်။ ထို့အပြင် ESG Initiative of the Year ဆုကို ရရှိခဲ့ခြင်းသည် အာမခံဝန်ဆောင်မှုများပေးအပ်ခြင်းထက် ကျော်လွန်၍ လူမှုအသိုင်းအဝိုင်းများအတွက် အပြုသဘောဆောင်သော အကျိုးသက်ရောက်မှုများ ဖန်တီးနိုင်ရန် KBZMS ၏ ကြိုးပမ်းဆောင်ရွက်မှုများကို အသိအမှတ်ပြုခြင်းဖြစ်ပါသည်။ ဤအောင်မြင်မှုများသည် Customer များ၏ ယုံကြည်စွာ လက်တွဲမှု၊ ဝန်ထမ်းများ၏ အပ်နှံကြိုးပမ်းမှုနှင့် မိတ်ဖက်များ၏ ပူးပေါင်းပံ့ပိုးမှုတို့ကြောင့် ဖြစ်ပေါ်လာခြင်းဖြစ်ပါသည်။ KBZMS နှင့်အတူ လက်တွဲပါဝင်ပေးခဲ့ကြသော Customer များ၊ ဝန်ထမ်းများနှင့် မိတ်ဖက်များအားလုံးကို အထူးကျေးဇူးတင်ရှိပါသည်။ ရှေ့ဆက်၍လည်း မြန်မာနိုင်ငံ၏ ယုံကြည်စိတ်ချရသော အာမခံမိတ်ဖက်အဖြစ် Customer များနှင့် လူမှုအသိုင်းအဝိုင်းများအတွက် တန်ဖိုးရှိသော ဝန်ဆောင်မှုများကို ဆက်လက်ပေးအပ်သွားမည်ဖြစ်ပါသည်။