General Insurance Company of the Year – 2026

မြန်မာနိုင်ငံအတွက် ဂုဏ်ယူစရာ၊ KBZMS အတွက် သမိုင်းဝင်အောင်မြင်မှု!

KBZMS General Insurance မှ 30th Asia Insurance Industry Awards 2026 တွင် General Insurance Company of the Year ဆုကြီးကို ဆွတ်ခူးရရှိခဲ့ပါပြီ။

Asia Insurance Review မှ ကြီးမှူးကျင်းပတဲ့ ယခုနှစ် Asia Insurance Industry Awards တွင် ဆုအမျိုးအစား ၁၆ ခုအတွက် ဝင်ရောက်ယှဉ်ပြိုင်မှု ၁၈၅ ခုနီးပါးရှိခဲ့ပြီး အာရှအာမခံလုပ်ငန်းနယ်ပယ်မှ ထူးချွန်တဲ့ ကုမ္ပဏီများကို ရွေးချယ်ဂုဏ်ပြုခဲ့ခြင်းဖြစ်ပါတယ်။

General Insurance Company of the Year ဆုအတွက် အာရှနိုင်ငံ ၅ နိုင်ငံမှ ထိပ်တန်း General Insurance ကုမ္ပဏီ ၅ ခု Finalists အဖြစ် ရွေးချယ်ခံခဲ့ရပါတယ်။

Allianz Ayudhya – Thailand

KBZMS General Insurance – Myanmar

MSIG Insurance (Singapore) – Singapore

Phillip General Insurance (Cambodia) – Cambodia

PVI Insurance Corporation – Vietnam

အာရှထိပ်တန်းအာမခံကုမ္ပဏီများနဲ့အတူ Finalist အဖြစ် ရွေးချယ်ခံခဲ့ရပြီး General Insurance Company of the Year ဆုကြီးကို KBZMS က ဆွတ်ခူးရရှိခဲ့ခြင်းဟာ မြန်မာနိုင်ငံရဲ့ Insurance Industry အတွက်ပါ ဂုဏ်ယူစရာ အောင်မြင်မှုတစ်ခု ဖြစ်ပါတယ်။

KBZMS အနေနဲ့ Customers တွေရဲ့ ယုံကြည်မှုကို အလေးထားပြီး ပိုမိုကောင်းမွန်တဲ့ ဝန်ဆောင်မှုတွေ ပေးအပ်နိုင်ဖို့၊ Digital Innovation တွေကတစ်ဆင့် Insurance Protection ကို လူအများ ပိုမိုလက်လှမ်းမီလာစေဖို့နဲ့ မြန်မာနိုင်ငံရဲ့ Insurance Industry ပိုမိုဖွံ့ဖြိုးတိုးတက်လာစေဖို့ အစဉ်တစိုက် ကြိုးပမ်းဆောင်ရွက်လျက်ရှိပါတယ်။

ဒါ့အပြင် Disaster Risk Reduction နဲ့ Community Resilience လုပ်ငန်းတွေမှာလည်း တက်ကြွစွာ ပါဝင်ဆောင်ရွက်ရင်း သဘာဝဘေးအန္တရာယ်တွေကို ကြိုတင်ပြင်ဆင်နိုင်ဖို့နဲ့ ပိုမိုလုံခြုံစိတ်ချရတဲ့ လူမှုအသိုင်းအဝိုင်းတစ်ခု ဖြစ်လာစေဖို့ ဆက်လက်ပံ့ပိုးပေးနေပါတယ်။

ဒီဆုဟာ KBZMS ရဲ့ Business Performance ကို အသိအမှတ်ပြုခြင်းသာမက စည်းလုံးညီညွတ်မှု၊ တာဝန်ယူမှုနဲ့ အတူတကွ ကြိုးပမ်းအားထုတ်မှုတွေကို ပြသခဲ့တဲ့ ONE KBZMS Team တစ်ဖွဲ့လုံးရဲ့ အောင်မြင်မှုလည်း ဖြစ်ပါတယ်။

ဒီအောင်မြင်မှုအတွက် အစဉ်အမြဲ ကြိုးစားပေးနေကြတဲ့ KBZMS ဝန်ထမ်းများ၊ Shareholders များ၊ Business Partners များနဲ့ KBZMS ကို ယုံကြည်အားပေးကြတဲ့ Customers များအားလုံးကို လှိုက်လှိုက်လှဲလှဲ ကျေးဇူးတင်ရှိပါတယ်။

Proud to Represent Myanmar. Honored to Stand Among Asia’s Best.

ရှေ့ဆက်ပြီးလည်း မြန်မာပြည်သူတွေရဲ့ ဘဝနဲ့ စီးပွားရေးလုပ်ငန်းတွေကို ကာကွယ်ပေးရင်း ပိုမိုလုံခြုံစိတ်ချရတဲ့ အနာဂတ်တစ်ခုကို အတူတကွ တည်ဆောက်သွားမှာ ဖြစ်ပါတယ်။

17 Jul 2026

Kick-off & Appreciation Event

KBZMS နှင့် uab bank PCL တို့၏ ခိုင်မာသော ပူးပေါင်းဆောင်ရွက်မှုမှတစ်ဆင့် ရရှိခဲ့သော Outstanding Performance များကို အတူတကွ ဂုဏ်ပြုခဲ့ကြပြီး ထူးချွန်စွာ စွမ်းဆောင်နိုင်ခဲ့သည့် လုပ်ဖော်ကိုင်ဖက်များအား ဂုဏ်ပြုဆုများ ပေးအပ်ခဲ့ပါသည်။ ထို့အပြင် FY26–27 အတွက် ပိုမိုကောင်းမွန်သော Customer Experience နှင့် လုပ်ငန်းတိုးတက်မှုများကို ဖော်ဆောင်နိုင်ရန် ရည်ရွယ်ထားသည့် Strategic Plans များကိုလည်း အပြန်အလှန် ဆွေးနွေးဖလှယ်ခဲ့ကြပါသည်။ အခမ်းအနားတွင် တက်ကြွစွာ ပါဝင်ခဲ့ကြသည့် လုပ်ဖော်ကိုင်ဖက်များ၏ အမှတ်တရပုံရိပ်အချို့ကို ပြန်လည်မျှဝေပေးလိုက်ပါတယ်။ ယနေ့အောင်မြင်မှုများ၏ နောက်ကွယ်တွင် အားစိုက်ကြိုးပမ်းခဲ့ကြသည့် လုပ်ဖော်ကိုင်ဖက်များအားလုံးကို အထူးကျေးဇူးတင်ရှိပါသည်။ ရှေ့ဆက်၍လည်း KBZMS နှင့် uab bank PCL တို့သည် Customer များအတွက် ပိုမိုကောင်းမွန်သော အာမခံနှင့် ဘဏ်လုပ်ငန်းဝန်ဆောင်မှုများကို ပူးပေါင်းဖန်တီးပေးသွားမည်ဖြစ်ပါသည်။

08 Jul 2024

KBZMS All Hands Meeting was held on 2024

၂၀၂၄ ခုနှစ်၊ ဇူလိုင်လ ၈ ရက်၊ တနင်္လာနေ့တွင် KBZMS All Hands Meeting အခမ်းအနားကို Zealax Hotel (GAIA Ballroom) ၌ စည်းကားသိုက်မြိုက်စွာ ကျင်းပပြုလုပ်ခဲ့ပါတယ်။ Executive Vice Chairman ဦးညိုမြင့်မှ အဖွင့်အမှာစကားပြောကြားခဲ့ပြီး CEO ဦးစိုင်းလူမွန်အောင် မှ နောင်လာမည့်နှစ်များတွင် ဆက်လက်လုပ်ကိုင်သွားမည့် စီးပွားရေးဗျူဟာများကို ရှင်းလင်းပြောကြားခဲ့ပါတယ်။

04 Jun 2026

KBZMS General Insurance Mandalay Branch Reopening Ceremony

KBZMS ၏ မန္တလေးရှိ မင်္ဂလာမန္တလေးရုံးခွဲအား ၂၀၂၆ ခုနှစ်၊ ဇွန်လ (၄) ရက်နေ့တွင် အောင်မြင်စွာ ပြန်လည်ဖွင့်လှစ်နိုင်ခဲ့ပါသည်။ ရုံးခွဲပြန်လည်ဖွင့်လှစ်ခြင်း အခမ်းအနားသို့ ဘဏ္ဍာရေးနှင့် အခွန်ဝန်ကြီးဌာန၏ ဒုတိယဝန်ကြီး (ငြိမ်း)၊ မြန်မာနိုင်ငံအာမခံအသင်း ဥက္ကဋ္ဌ ဝဏ္ဏကျော်ထင် ဒေါက်တာမောင်မောင်သိမ်း၊ မန္တလေးတိုင်းဒေသကြီး၊ ငွေရေးကြေးရေး ကြီးကြပ်စစ်ဆေးရေးဦးစီးဌာန၊ တိုင်းဦးစီးမှူးဒေါ်မြတ်မူ၊ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (MRCCI) ၏ ဥက္ကဋ္ဌ ဦးတင်လတ်၊ KBZMS CEO ဦးစိုင်းလူမွန်အောင်တို့မှ တက်ရောက်ချီးမြှင့်ပေးကာ ဖဲကြိုးဖြတ်ဖွင့်လှစ်ပေးခဲ့ကြသည့်အတွက် KBZMS မှ အထူးကျေးဇူးတင်ရှိပါသည်။ ထို့အပြင် ယနေ့အခမ်းအနားသို့ တက်ရောက်ချီးမြှင့်ပေးကြသည့် ကိုယ်စားလှယ်တော်ကြီးများ၊ Customer ကြီးများနှင့် မိတ်ဖက်အဖွဲ့အစည်း ဘဏ်များမှ တာဝန်ရှိသူများအားလုံးကိုလည်း KBZMS မှ လေးနက်စွာ ကျေးဇူးတင်ရှိပါသည်။ ယနေ့ကဲ့သို့ မန္တလေးရုံးခွဲအား ပြန်လည်ဖွင့်လှစ်နိုင်ခြင်း၏ နောက်ကွယ်တွင် KBZMS မန္တလေးရုံးခွဲအနေဖြင့် ၂၀၂၅ ခုနှစ် မတ်လ (၂၈) ရက်နေ့တွင် မမျှော်လင့်ဘဲ ဖြစ်ပွားခဲ့သည့် ငလျင်ဘေးအန္တရာယ်ကြောင့် ထိခိုက်ပျက်စီးဆုံးရှုံးမှုများနှင့် စိန်ခေါ်မှုများစွာကို ရင်ဆိုင်ခဲ့ရပါသည်။ ဝန်ထမ်းများအနေဖြင့်လည်း သဘာဝဘေးအန္တရာယ်၏ ရိုက်ခတ်မှုများကို မိမိတို့၏ ကိုယ်ပိုင်ဘဝများနှင့် လုပ်ငန်းခွင်အတွင်း တစ်ပြိုင်နက်တည်း ကြုံတွေ့ခဲ့ရပါသည်။ သို့ရာတွင် ထိုအခြေအနေများကြားမှပင် မိမိတို့အပေါ် ယုံကြည်စွာ အာမခံထားသည့် Customer များအတွက် အာမခံလျော်ကြေးဝန်ဆောင်မှုများကို ဆက်လက်ပေးအပ်နိုင်ရန် ဝန်ထမ်းများသည် ယာယီစီစဉ်ထားသော ရုံးမှ လုပ်ငန်းဆောင်ရွက်မှုများကို အဆက်မပြတ် ဆောင်ရွက်ခဲ့ကြပြီး နေ့ရောညပါ အားကြိုးမာန်တက် ကြိုးပမ်းခဲ့ကြပါသည်။ ဝန်ထမ်းများ၏ စိတ်ဓာတ်ကြံ့ခိုင်မှု၊ ပူးပေါင်းဆောင်ရွက်မှုနှင့် Customer များအပေါ်ထားရှိသည့် ကတိကဝတ်တို့ကြောင့် ယနေ့တွင် KBZMS မန္တလေးရုံးခွဲအား ပြန်လည်ဖွင့်လှစ်နိုင်ခဲ့ခြင်း ဖြစ်ပါသည်။ KBZMS မန္တလေးရုံးခွဲ ပြန်လည်ဖွင့်လှစ်ခြင်း အထိမ်းအမှတ် ပုံရိပ်များကိုလည်း မျှဝေပေးလိုက်ရပါသည်။