၂၀၂၆ခုနှစ်၊ ဇွန်လ(၁၃) ရက်နေ့နှင့် ဇွန်လ (၁၄)ရက်နေ့၊ Sedona Hotel Yangon တွင် မြန်မာနိုင်ငံ ခရီးသွားလုပ်ငန်းရှင်များအသင်း (UMTA) မှကြီးမှူးကျင်းပသည့် UMTA Travel Fair (UTF) 2026 ကို အောင်မြင်စွာကျင်းပပြုလုပ်ခဲ့ပြီးဖြစ်ပါသည်။ အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ ရခိုင်တိုင်းရင်းသားရေးရာဝန်ကြီး ဦးနေမင်းထွန်း၊ ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ညွှန်ကြားရေးမှူးချုပ် ဦးအောင်အေးဟန်၊ ASEAN ဒေသတွင်းနှင့် နိုင်ငံတကာ ခရီးသွားလုပ်ငန်းဆိုင်ရာ အဖွဲ့အစည်းများမှ ကိုယ်စားလှယ်များ၊ ပြည်တွင်း၊ ပြည်ပ ခရီးသွားလုပ်ငန်းရှင်များနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။ ယခုကျင်းပသည့် UMTA Travel Fair (UTF) 2026 သည် မြန်မာ့ခရီးသွားလုပ်ငန်း ပြန်လည်ဦးမော့လာစေရန် စုပေါင်းကြိုးပမ်းကြသည့် အရေးပါသော အခိုက်အတန့်ဖြစ်ပြီး Strengthening Connections, Building Partnerships ဟူသော ဆောင်ပုဒ်နှင့်အညီ မြန်မာနိုင်ငံကို လူမှုအသိုက်အဝန်း၊ ယဉ်ကျေးမှုနှင့် ပတ်ဝန်းကျင်တို့ကို အကျိုးပြုသည့် တာဝန်သိသော ကမ္ဘာ့အဆင့်မီ ခရီးစဉ်ဒေသတစ်ခုအဖြစ် မြှင့်တင်သွားရန်အတွက်အဓိကထားလုပ်ဆောင်သည့်အခမ်းအနားဖြစ်ပါသည်။ UMTA Travel Fair (UTF) 2026 တွင် KBZMS သည် Silver Sponsor ဖြင့်ပါဝင်ပံ့ပိုးခွင့်ရခဲ့သည့်အတွက် များစွာဂုဏ်ယူဝမ်းသာပီတိဖြစ်ပါသည်။ ရှေ့ဆက်ပြီးလည်း KBZMS အနေဖြင့် အားလုံးနှင့်အမြဲအတူရှိပြီး နိုင်ရာကဏ္ဍများတွင် မေတ္တာ စံနှုန်းကိုလက်ကိုင်ထားပြီးတတ်စွမ်းသမျှထက်ပို၍ ပံ့ပိုးပါဝင်သွားပါမည်။

(၁၃)နှစ်ပြည့်ခရီးမှ အမှတ်တရအခိုက်အတန့်များ မှတ်တမ်းတွေရဲ့နောက်ကွယ်မှာအောင်မြင်မှုတွေလည်းရှိသလို၊ကြိုးစားခဲ့ရတဲ့အခိုက်အတန့်၊ပင်ပန်းမှုများစွာလည်းရှိပါတယ်။ KBZMS ရဲ့ (၁၃) နှစ်တာဖြစ်တည်လာမှုက Customer များရဲ့ ယုံကြည်မှု၊ ဝန်ထမ်းတစ်ဦးတစ်ယောက်ချင်းစီတိုင်းရဲ့ကြိုးစားအားထုတ်မှုတွေကြောင့်သာ ဒီခရီးကိုရောက်ရှိခဲ့တာဖြစ်ပါတယ်။ KBZMS ရဲ့ (၁၃)နှစ်ပြည့်တာခရီးမှာ (၃)ကြိမ်မြောက် All-Hands Meeting ကိုလည်းကျင်းပပြုလုပ်ခဲ့ပါတယ်။ ဝန်ထမ်းများအတွက်လည်း ညစာဖြင့်ဧည့်ခံကျွေးမွေးခဲ့ပြီး တစ်ခြားသောပျော်ရွှင်ဖွယ်ရာ Activities များစွာဖြင့်အောင်မြင်စွာကျင်းပနိုင်ခဲ့ပါတယ်။ KBZMS Dinner Time ရဲ့အမှတ်တရပုံရိပ်တွေကိုလည်းပြန်လည်မျှဝေပေးလိုက်ပါတယ်။

၂၀၂၆ ခုနှစ် ဇွန်လ (၅) ရက်နေ့၊ မန္တလေးမြို့ရှိ Golden Duck Restaurantတွင် မန္တလေးအခြေစိုက် Express အဝေးပြေးယာဉ်လုပ်ငန်းရှင်များနှင့် လှည့်လည်ခရီးသွားလုပ်ငန်းရှင်များအတွက် စီစဉ်ကျင်းပသည့် နှစ်ပတ်လည် ဆုပေးပွဲနှင့် ဂုဏ်ပြုညစာစားပွဲကို အောင်မြင်စွာ ကျင်းပပြုလုပ်ခဲ့ပါသည်။ အခမ်းအနားတွင် KBZMS CEO ဦးစိုင်းလူမွန်အောင်မှ KBZMS နှင့် ယုံကြည်စွာ လက်တွဲပူးပေါင်းဆောင်ရွက်ပေးခဲ့ကြသည့် မိတ်ဖက်များအား ကျေးဇူးတင်စကား ပြောကြားခဲ့ပြီး၊ ရှေ့ဆက်၍လည်း ပိုမိုကောင်းမွန်သော ပူးပေါင်းဆောင်ရွက်မှုများဖြင့် အတူတကွ တိုးတက်အောင်မြင်မှုများ ဖန်တီးသွားမည်ဖြစ်ကြောင်း အဖွင့်အမှာစကား ပြောကြားခဲ့ပါသည်။ ထို့နောက် ဖျော်ဖြေရေးအစီအစဉ်များနှင့်အတူ လုပ်ငန်းရှင်ကြီးများအား အသိအမှတ်ပြုဂုဏ်ပြုခြင်း၊ ‌တစ်ခြားသော ပျော်ရွှင်ဖွယ်ရာ Activities များစွာဖြင့် နှစ်ပတ်လည် ဆုပေးပွဲနှင့် ဂုဏ်ပြုညစာစားပွဲကိုအောင်မြင်စွာကျင်းပပြုလုပ်ခဲ့ပါသည်။ KBZMS အနေဖြင့် ရှေ့ဆက်၍ မိတ်ဖက်များနှင့်အတူ အပြန်အလှန်ယုံကြည်မှုနှင့် ပူးပေါင်းဆောင်ရွက်မှုများကိုအခြေခံကာ နောင်နှစ်များစွာတိုင်အောင်မြင်မှုများကိုအတူတည်ဆောက်သွားကြပါမည်။ အောင်မြင်စွာ ကျင်းပပြီးစီးခဲ့သော အခမ်းအနား၏ အမှတ်တရပုံရိပ်များကိုလည်း ပြန်လည်မျှဝေပေးလိုက်ရပါသည်။

KBZMS ၏ မန္တလေးရှိ မင်္ဂလာမန္တလေးရုံးခွဲအား ၂၀၂၆ ခုနှစ်၊ ဇွန်လ (၄) ရက်နေ့တွင် အောင်မြင်စွာ ပြန်လည်ဖွင့်လှစ်နိုင်ခဲ့ပါသည်။ ရုံးခွဲပြန်လည်ဖွင့်လှစ်ခြင်း အခမ်းအနားသို့ ဘဏ္ဍာရေးနှင့် အခွန်ဝန်ကြီးဌာန၏ ဒုတိယဝန်ကြီး (ငြိမ်း)၊ မြန်မာနိုင်ငံအာမခံအသင်း ဥက္ကဋ္ဌ ဝဏ္ဏကျော်ထင် ဒေါက်တာမောင်မောင်သိမ်း၊ မန္တလေးတိုင်းဒေသကြီး၊ ငွေရေးကြေးရေး ကြီးကြပ်စစ်ဆေးရေးဦးစီးဌာန၊ တိုင်းဦးစီးမှူးဒေါ်မြတ်မူ၊ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (MRCCI) ၏ ဥက္ကဋ္ဌ ဦးတင်လတ်၊ KBZMS CEO ဦးစိုင်းလူမွန်အောင်တို့မှ တက်ရောက်ချီးမြှင့်ပေးကာ ဖဲကြိုးဖြတ်ဖွင့်လှစ်ပေးခဲ့ကြသည့်အတွက် KBZMS မှ အထူးကျေးဇူးတင်ရှိပါသည်။ ထို့အပြင် ယနေ့အခမ်းအနားသို့ တက်ရောက်ချီးမြှင့်ပေးကြသည့် ကိုယ်စားလှယ်တော်ကြီးများ၊ Customer ကြီးများနှင့် မိတ်ဖက်အဖွဲ့အစည်း ဘဏ်များမှ တာဝန်ရှိသူများအားလုံးကိုလည်း KBZMS မှ လေးနက်စွာ ကျေးဇူးတင်ရှိပါသည်။ ယနေ့ကဲ့သို့ မန္တလေးရုံးခွဲအား ပြန်လည်ဖွင့်လှစ်နိုင်ခြင်း၏ နောက်ကွယ်တွင် KBZMS မန္တလေးရုံးခွဲအနေဖြင့် ၂၀၂၅ ခုနှစ် မတ်လ (၂၈) ရက်နေ့တွင် မမျှော်လင့်ဘဲ ဖြစ်ပွားခဲ့သည့် ငလျင်ဘေးအန္တရာယ်ကြောင့် ထိခိုက်ပျက်စီးဆုံးရှုံးမှုများနှင့် စိန်ခေါ်မှုများစွာကို ရင်ဆိုင်ခဲ့ရပါသည်။ ဝန်ထမ်းများအနေဖြင့်လည်း သဘာဝဘေးအန္တရာယ်၏ ရိုက်ခတ်မှုများကို မိမိတို့၏ ကိုယ်ပိုင်ဘဝများနှင့် လုပ်ငန်းခွင်အတွင်း တစ်ပြိုင်နက်တည်း ကြုံတွေ့ခဲ့ရပါသည်။ သို့ရာတွင် ထိုအခြေအနေများကြားမှပင် မိမိတို့အပေါ် ယုံကြည်စွာ အာမခံထားသည့် Customer များအတွက် အာမခံလျော်ကြေးဝန်ဆောင်မှုများကို ဆက်လက်ပေးအပ်နိုင်ရန် ဝန်ထမ်းများသည် ယာယီစီစဉ်ထားသော ရုံးမှ လုပ်ငန်းဆောင်ရွက်မှုများကို အဆက်မပြတ် ဆောင်ရွက်ခဲ့ကြပြီး နေ့ရောညပါ အားကြိုးမာန်တက် ကြိုးပမ်းခဲ့ကြပါသည်။ ဝန်ထမ်းများ၏ စိတ်ဓာတ်ကြံ့ခိုင်မှု၊ ပူးပေါင်းဆောင်ရွက်မှုနှင့် Customer များအပေါ်ထားရှိသည့် ကတိကဝတ်တို့ကြောင့် ယနေ့တွင် KBZMS မန္တလေးရုံးခွဲအား ပြန်လည်ဖွင့်လှစ်နိုင်ခဲ့ခြင်း ဖြစ်ပါသည်။ KBZMS မန္တလေးရုံးခွဲ ပြန်လည်ဖွင့်လှစ်ခြင်း အထိမ်းအမှတ် ပုံရိပ်များကိုလည်း မျှဝေပေးလိုက်ရပါသည်။

2026ခုနှစ်၊ မေလ (၅) ရက်နေ့တွင် KBZMS Partners Channel ၏ “Champions Beyond Limits”ပွဲကိုရန်ကုန်မြို့ Melia hotel တွင်ကျင်းပပြုလုပ်ခဲ့ပါသည်။ ဤအခမ်းအနားသည် KBZMS General Insurance၏ Distribution Channel တစ်ခုဖြစ်သည့် KBZMS Partners channel မှ 2024-2025 Financial year အပြီးတစ်နှစ်တာပတ်လုံး ကြိုးစားအားထုတ်ပေးခဲ့ကြသည့် Partners များနှင့် Liaison Officerများအး channel ဘက်မှ အသိအမှတ်ပြုချီးကျူးဂုဏ်ပြုသည့်အနေဖြင့်ပြုလုပ်ပေးသည့်ပွဲဖြစ်ပါသည်။ KBZMS ၏ CEO ဦးစိုင်းလူမွန်အောင်မှ အသိအမှတ်အပြုအဖွင့်အမှာစကားဖြင့် အခမ်အနားကိုစတင်ခဲ့ပြီး Head of Retail Sales ဦးမျိုးမင်းသန့်မှ တစ်နှစ်တာအတွင်းလုပ်ဆောင်ခဲ့သည့် အစီအစဉ်များအားပြန်လည်သုံးသပ်ပြီး ရှေ့ဆက်မည့် မဟာဗျုဟာများ၊ ရည်မှန်းချက်များအား one team, one direction, one bold future ဖြင့် ဆက်လက်ဆောင်ရွက်သွားရန် ပြောကြားခဲ့ပြီးတာဝန်ရှိသူများမှ စွမ်းဆောင်ရည်အကောင်းမွန်ဆုံးဖြစ်ခဲ့သည့် Partner, Liaison Officer နှင့် ရုံးခွဲများအား ဆုချီးမြှင့်မှုများကိုပြုလုပ်ခဲ့ပါသည်။ စံနှုန်းများကိုကျော်လွန်ကာ အောင်မြင်မှုများကိုဆွတ်ခူးခဲ့ကြသည့်အတွက် ဂုဏ်ပြုပေးသည့်ပွဲအခမ်းအနား၏ပုံရိပ်များကိုလည်း ပြန်လည်မျှဝေပေးလိုက်ရပါသည်။

၂၀၂၆ ခုနှစ်၊ ဧပြီလ (၄)ရက်နေ့ နှင့် ဧပြီလ (၅)ရက်‌နေ့တွင် KBZMS Management Team အဖွဲ့ ဝင်များမှ နေ့စဉ်လုပ်ငန်းဆောင်တာကိစ္စရပ်များမှ ခဏအနားယူကာ ငွေဆောင်ကမ်းခြေတွင် ပြုလုပ်သည့် Management Offsite Meetingတွင် အဖွဲ့တစ်ခုအဖြစ် စုစည်းခဲ့ကြပါသည်။ CEO မှ ၅နှစ်အတွင်းရည်မှန်းချက်များကိုမျှဝေခဲ့ပြီး ရှေ့ဆက်မည့်လုပ်ငန်းဆောင်တာများအတွက် တိကျသောဦးတည်ချက်နှင့် တူညီသောရည်ရွယ်ချက်တို့ကို အတူတကွပူးပေါင်းဆောင်ရွက်မှုများမှတစ်ဆင့် သတ်မှတ်ခဲ့ကြပါသည်။ ဤ offsite သည် strategy တစ်ခုမဟုတ်ဘဲ တစ်ဦးနှင့်တစ်ဦးနားလည်မှုကို တည်ဆောက်ခဲ့ကြခြင်းဖြစ်ပါသည်။ Brainstorming ဆွေးနွေးမှုများ၊ အပြန်အလှန်ဆက်သွယ်မှုများနှင့် team challenges များမှတဆင့် တစ်ဦးနှင့်တစ်ဦးအဖွဲ့လိုက်ပူးပေါင်းဆောင်ရွက်ရာတွင် အမှန်တကယ် လုပ်ဆောင်နိုင်ရန် လိုအပ်သည်မှာ မည်သည့်အရာဖြစ်သည်ကို လေးနက်စွာသင်ယူခဲ့ကြရပါသည်။ နှစ်ရက်တာကာလအတွင်းတွင် ရယ်မောပျော်ရွှင်ဖွယ်ရာအခိုက်အတန့်များနှင့်အတူ စိန်ခေါ်မှုအခက်အခဲများကိုလည်းကြုံခဲ့ရပြီး ထိုအခိုက်အတန့်များကပင် အရေးကြီးသည့် ပြောင်းလဲမှုများကို ရရှိခဲ့ပါသည်။ ရာထူးနှင့်အဆင့်အတန်းများကိုကျော်လွန်ကာ တူညီသောရည်ရွယ်ချက်ရှိကြသူများအဖြစ် ပူးပေါင်းဆောင်ရွက်မှုများလုပ်ခြင်းအားဖြင့် ကုမ္ပဏီ၏တိုးတက်မှုအတွက်သာမက မိမိတို့၏ကိုယ်ပိုင် အသက်မွေးဝမ်းကျောင်းလုပ်ငန်းနှင့်ဘဝများတွင်ပါ တိုးတက်ရန်အထောက်အကူပြုကြောင်းကိုလည်း သိရှိခဲ့ရပါသည်။ နှစ်ရက်တာအတွင်းလုပ်ဆောင်ချက်များမှတစ်ဆင့် ပူးပေါင်းဆောင်ရွက်မှု၊ ယုံကြည်ချက်ရှိမှုတို့ကို ပိုမိုတိုးတက်လာအောင် ပံ့ပိုးကူညီပေးသည့် Training Partner, Coaching Firm ကိုလည်းကျေးဇူးအထူးတင်ရှိပါသည်။ ယခုကဲ့သို့လုပ်ဆောင်ချက်များသည် ကောင်းမွန်သောပြောင်းလဲခြင်းများအတွက် စတင်သည့်အရွေ့တစ်ခုပင်ဖြစ်ပါသည်။

KBZMS General Insurance သည် ActionAid Myanmar၊ CIAT Myanmar နှင့် British Chamber of Commerce Myanmar တို့အတူ ပူးပေါင်း၍ ၂၀၂၅ ခုနှစ် မန္တလေးငလျင် လှုပ်ခတ်ခဲ့သည့် တစ်နှစ်ပြည့် အထိမ်းအမှတ်အဖြစ် “ငလျင်ဘေးအန္တရာယ်ဆိုင်ရာ ဆွေးနွေးပွဲနှင့် ကြိုတင်ပြင်ဆင်မှုပြပွဲ” ကို ၂၀၂၆ ခုနှစ်၊ မတ်လ ၂၆ ရက်နေ့တွင်Wyndham Grand Yangon ဟိုတယ်၌ ကျင်းပခဲ့ပါသည်။ ဤအခမ်းအနားသည် အောက်မေ့သတိရခြင်းအခမ်းအနားတစ်ခုမဟုတ်ဘဲ သင်ယူခြင်း၊ တိုးတက်အောင် ပြုလုပ်ခြင်းနှင့် လက်တွေ့အရေးယူဆောင်ရွက်ခြင်းများအတွက် အတူပူးပေါင်း၍ ဆွေးနွေးကြခြင်းဖြစ်ပါသည်။ InterRisk Asia Thailand နှင့် ပူးပေါင်း၍ အဖွဲ့အစည်းအတွင်း စွမ်းဆောင်ရည်များကို မြှင့်တင်ခြင်းနှင့် ယခုမေလတွင် Myanmar Green Building Society မှ စီစဉ်ပြီး Myanmar Earthquake Committee နှင့် ပူးပေါင်းကာ မြေငလျင်ဒဏ်ခံနိုင်သော အဆောက်အဦဒီဇိုင်းဆိုင်ရာ ကျွမ်းကျင်ပညာရှင်များမှ သင်ကြားပို့ချပေးမည့် Integrated Earthquake Resilient Building Design သင်တန်းကို ထောက်ပံ့ပေးခြင်းတို့မှတဆင့် အန္တရာယ်နားလည်မှုနှင့် ကြိုတင်ပြင်ဆင်မှုပိုင်းများတွင် ဦးဆောင်ရန် KBZMS သည် အစဉ်တစိုက် ကတိကဝတ်ပြုလျက်ရှိပါသည်။ KBZMS အပေါ်တွင်ယုံကြည်စွာလက်တွဲထားသော Customer များအပေါ်တွင်လည်း တာဝန်ယူမှုကို ဆက်လက်ထိန်းသိမ်းထားပြီး ငလျင်နှင့်ပတ်သက်သည့် Claim များကို တစ်နှစ်အတွင်း ၉၉ရာခိုင်နှုန်းအထိ အာမခံလျော်ကြေးပေးဆောင်နိုင်ခဲ့ပါသည်။ ကြိုတင်ပြင်ဆင်မှုသည် ရွေးချယ်စရာ မဟုတ်ဘဲ ခိုင်မာမှုသည် အားလုံးအတူပူးပေါင်းတည်ဆောက်ရမည့်အရာဖြစ်ပါသည်။ ပြန်လည်သုံးသပ်မှုမှတစ်ဆင့် ကြိုတင်ပြင်ပြင်ဆင်မှုများဆီသို့ ခြေလှမ်းစတင်ကြပြီး ပူးပေါင်းမှုများမှတစ်ဆင့် ခိုင်မာမှုများနှင့်ခံနိုင်ရည်ရှိသော မြန်မာနိုင်ငံကို တည်ဆောက်ကြရအောင်

2026 KBZ Community 10-mile Run ပွဲကြီးတွင် KBZMS General Insurance မှ Silver Sponsor အဖြစ် ပါဝင်ခဲ့ပါသည်။ ယခုနှစ် 10-mile Run ပွဲကြီးတွင် လူပေါင်း (၃,၀၀၀) ကျော် ပါဝင်ခဲ့ကြပြီး ကျန်းမာရေးကို ဦးစားပေးသည့်အနေဖြင့် တက်ကြွစွာ ပါဝင်ဆောင်ရွက်ခဲ့ကြသည်ကို မြင်တွေ့ရသည်မှာ အလွန်အားတက်ဖွယ်ကောင်းလှပါသည်။ KBZMS ဝန်ထမ်းများ၏ တက်ကြွစွာ ပါဝင်မှုနှင့်အတူ ပြိုင်ပွဲဝင်ကစားသမား တစ်ဦးချင်းစီ၏ ကြိုးစားအားထုတ်မှုများသည် ဤပွဲအား အောင်မြင်စွာ ကျင်းပနိုင်ရန် အရေးကြီးသော အစိတ်အပိုင်းများ ဖြစ်ခဲ့ပါသည်။ ထို့ကြောင့် ပါဝင်ပေးခဲ့ကြသူအားလုံးအား ကျေးဇူးအထူးတင်ရှိပါသည်။ KBZMS General Insurance အနေဖြင့် ယခုကဲ့သို့သော လူမှုအသိုင်းအဝိုင်းအတွက် အကျိုးရှိစေသော လှုပ်ရှားမှုများတွင် ဆက်လက်ပါဝင်သွားမည်ဖြစ်ပြီး ကျန်းမာရေးကောင်းမွန်သော လူမှုဘဝတစ်ခုကို တည်ဆောက်ရန် အမြဲတမ်း ထောက်ပံ့ပေးသွားမည် ဖြစ်ပါသည်။

သွေးလှူဒါန်းခြင်းသည် မွန်မြတ်တဲ့ဒါနကုသိုလ်တစ်ခုပင်ဖြစ်ပါသည်။ မိမိတို့၏သွေးမှတစ်ဆင့် လိုအပ်သောသူများအတွက် သွေးလှူဒါန်းခြင်းသည် တစ်ပါးသူအတွက် အဖိုးဖြတ်မရသည့် လက်ဆောင်တစ်ခုဖြစ်သလို လူ့အသက်တစ်ချောင်းအတွက်လည်း အထောက်အကူပြုသည့် ပံ့ပိုးမှုတစ်ခုပင်ဖြစ်ပါသည်။ KBZMS သည်မိမိတို့လက်ကိုင်ထားသည့် စံတန်ဖိုးများဖြစ်သည့်“မေတ္တာ၊သတ္တိ၊ ဝီရိယ” ထဲမှ မေတ္တာနှင့်အညီ KBZMS ဝန်ထမ်းများမှ သက်ဆိုင်ရာမြို့နယ်များရှိ သွေးလှူဘဏ်များတွင် လှူဒါန်းခဲ့သည်မှာ ယခုတွင် (၄) ကြိမ်မြောက်ရှိခဲ့ပြီဖြစ်ပါသည်။ ယခုနှစ်တွင် KBZMS General Insurance မှရုံးချုပ်ရှိဝန်ထမ်းများနှင့် ရုံးခွဲများဖြစ်သည့် မြောက်ဥက္ကလာ၊ ဟင်္သာတ၊ လားရှိုး၊မော်လမြိုင်၊မုံရွာ၊ မြင်းခြံ၊ နေပြည်တော်၊ ပခုက္ကူ၊ တောင်ကြီး ရှိဝန်ထမ်းပေါင်း (၆၃) ဦးမှ ပါဝင်လှူဒါန်းခဲ့ကြပါသည်။ လူမှုအသိုင်းအဝိုင်းအတွက် ကောင်းမွန်မြင့်မြတ်သည့် အကျိုးပြုမှုများပြုလုပ်ခြင်းသည် မင်္ဂလာရှိသည့်အပြင် ကြည်နူးပီတိဖြစ်ရသည့်အတွက် ဝန်ထမ်းတစ်ဦးတစ်ယောက်ချင်းစီတိုင်း၏ မေတ္တာ၊စေတနာများစွာအတွက် ဂုဏ်ယူဝမ်းသာပီတိဖြစ်ရပါသည်။